مسودة. النص النهائي بيتكتب مع محامي. لحد ما يخلص، ده اللي السيستم بيعمله النهارده.
شروط الاستخدام وعقد معالجة البيانات
- العيادة هي المتحكم في بيانات مرضاها، والشركة اللي بتشغّل السيستم هي المعالج اللي بيشتغل بالنيابة عنها.
- بيانات كل عيادة منفصلة: كل استعلام بيتفلتر بالعيادة، والكتابة على بيانات عيادة تانية بتترفض.
- كل إضافة وتعديل ومسح بيتسجل لوحده: مين وإمتى واتغير إيه. والشغل اللي اتعمل للمريض مبيتمسحش (قانون المسؤولية الطبية 13/2025).
- موافقة المريض على العلاج منفصلة عن موافقته على العروض، وولي الأمر بيوافق عن اللي أقل من 15 سنة.
- صاحب العيادة يقدر يطلّع كل اللي عند العيادة عن أي مريض في ملف.
- ملفات المرضى مبتتخزنش على الجهاز. والشغل اللي بيتسجل من غير نت بيتخزن متشفّر لحد ما يتبعت.
- السيستم مبيبعتش رسايل واتساب لوحده. الرسايل الجاهزة اللي العيادة بتبعتها بنفسها من الواتساب بتاعها (تأكيد المعاد، والخطة، والإيصال، وتذكير القسط) بتعدي على سيرفرات Meta برا مصر.
- الاشتراك على العيادة مش على الشخص. وأول فترة تجربة ببلاش، والسعر بيظهر قبل التسجيل.