برنامج إدارة عيادة الأسنان، سهل من أول يوم

كل اللي العيادة محتاجاه، من غير تعقيد

اتعمل على طريقة شغل عيادات الأسنان المصرية: الدكتور على كرسيين، والدفع على مراحل، والنت اللي بيقطع.

• خريطة الأسنان والخطة والسعر في شاشة واحدة

  دوس على السنة والسطح، أو اكتب «36 MO FIL»، والخطة بتتحسب بسعرها لوحدها. FDI وPalmer وUniversal، وأسنان دائمة ولبني.

• مواعيد بالكراسي

  احجز من أي خانة فاضية، واسحب الميعاد تنقله، والكرسي ميتحجزش مرتين. والدكتور يقدر يشتغل على كرسيين مع بعض.

• دفعات وأقساط وإيصالات

  دفع جزئي وعربون، كاش أو محفظة أو كارت أو تحويل أو ڤاليو. الأقساط بتتسدد بالأقدم الأول، وكل دفعة ليها إيصال.

• التنبيهات الطبية قدامك دايمًا

  سيولة، حساسية بنسلين، سكر، ضغط، حمل… فوق ملف المريض في كل شاشة. وقبل خلع أو زرعة، المساعد بيفكّر الدكتور يراجعها.

• مساعد لكل واحد في العيادة

  الاستقبال يعرف مين متأخر ومين لسه مدفعش، والدكتور يعرف مين مستنيه، والمساعدة تجهّز الكرسي، وصاحب العيادة يشوف التحصيل والأقساط المتأخرة.

• بيكمل شغل لو النت قطع

  الحجز والدفع وتغيير الحالة وتعديل الخريطة بيتحفظوا متشفّرين على الجهاز، ويتبعتوا لوحدهم أول ما النت يرجع، مرة واحدة بس.

• سجل لكل تعديل

  مين عمل إيه وإمتى، والشغل اللي اتعمل للمريض مبيتمسحش، زي ما قانون المسؤولية الطبية 13/2025 بيطلب.

• رسايل واتساب جاهزة

  تأكيد الميعاد، وخطة العلاج، والإيصال، وتذكير القسط بيتفتحوا جاهزين على واتساب العيادة، وإنت اللي بتبعت.

• تطبيق أندرويد للدكتور

  يومه في كل العيادات اللي بيشتغل فيها، وملفات المرضى وخريطة الأسنان، وإشعار لما المساعد يلاقي حاجة مهمة.

الأسعار

اشتراك شهري للعيادة كلها، والسعر قدامك قبل ما تسجّل.